نئی دہلی،22/ فروری (ایس او نیوز/آئی این ایس انڈیا) کیرلا کے گورنر عارف محمد خان نے شاہین باغ مظاہرین پر بالواسطہ نشانہ لگاتے ہوئے جمعہ کو کہا کہ لوگ سڑکوں پر بیٹھے ہیں اور اپنے خیال دوسروں پر مسلط کرنے کیلئے عام عوام کی زندگی میں رکاوٹ پیدا کر رہے ہیں جودہشت گردی کی ایک شکل ہے -

گورنر نے ’ہندوستانی طالب علم پارلیمنٹ‘ میں کہاکہ دہشت گردی صرف تشدد کے طور پر سامنے نہیں آتی،یہ بہت سے مختلف حالتوں میں سامنے آتی ہے،اگر آپ میری بات نہیں سنیں گے، تو میں عام معمولات زندگی کو متاثر کروں گا-

خان نے اپنی تقریر میں کہاکہ اختلاف جمہوریت کا جوہر ہے،اس سے کوئی پریشانی نہیں ہے لیکن پانچ لوگ سائنس عمارت کے باہر بیٹھ جائیں اور کہیں کہ ہمیں یہاں سے اس وقت تک نہ ہٹایا جائے جب تک کہ یہ پارلیمنٹ ایک تجویز قبول نہیں کر لیتی، جسے ہم قبول کرتے ہیں،یہ دہشت گردی کی ایک اور شکل ہے-

انہوں نے کہاکہ چیزوں کو الجھائیے مت،اظہار رائے کی آزادی کے نام پر دوسروں پر اپنے خیالات مت تھوپئے- آرٹیکل370ہٹائے جانے پر انہوں نے کہاکہ آرٹیکل370 میں کچھ نہیں بچا ہے،بس اس کے بارے میں تھوڑا سا پڑھ لیں-